དེ་རིང་གི་ཉིན་མོ།

༡༩༧༤ལོའི་ཟླ་༡༠ཚེས་༨ཉིན་ཉི་ཧོང་གི་བློན་ཆེན་ཛོའོ་ཐན་རུའང་ཛོའོ་ལ་ནོའོ་ལྦེའི་ཞི་བདེའི་གཟེངས་རྟགས་ཐོབ་པ་རེད།
༢༠༠༥ལོའི་ཟླ་༡༠ཚེས་༨ཉིན་པ་ཀི་སི་ཏན་བྱང་ངོས་སུ་ས་ཡོམ་རིམ་པ་7.6བྱས་པ་ཞིག་རྒྱབ་ནས་ཉུར་མཐར་མི་༢༥༠༠༠ལྷག་ཙམ་ཞིག་རྐྱེན་འདས་སུ་ཕྱིན།
(འཇམ་དཔལ་ཕུན་ཚོགས་ལགས་ཀྱིས་ཕྱོགས་སྒྲིག་གནང༌།)

ས་ཡོམ་གྱི་གནོད་འཚེ།

གསན་ན།

བོད་ལ་ད་རེས་ཟླ་༡༠ཚེས་༦ཉིན་འདམ་གཞུང་ནས་རྒྱལ་ས་ལྷ་ས་དང་དེ་མིན་དབུས་གཙང་ཁུལ་གྱི་ས་གནས་ཁག་གཅིག་ནང་ས་ཡོམ་གྱི་གནོད་འཚེ་ཆེན་པོ་ཞིག་བྱུང་ཡོད་པ་རེད། ས་ཡོམ་གྱི་གནོད་འཚེ་འདི་བྱུང་བའི་རྗེས་བོད་ནང་གནས་སྟངས་ཇི་འདྲ་ཡོད་མིན་སྐོར་ལ་རྩད་གཅོད་མང་པོ་ཞིག་བྱས་པའི་བརྒྱུད་རིམ་ནང་འབྲེལ་ཡོད་ཀྱི་ཚན་པར་ཁ་པར་ཐོག་ནས་འབྲེལ་བ་ཞུ་སྐབས་ཚང་མས་གནས་ཚུལ་དངོས་རྣམས་བཤད་མི་ཕོད་པའི་རྣམ་པ་ཞིག་བཏོན་གྱི་འདུག ཡང་འདམ་གཞུང་མི་དམངས་སྨན་ཁང་དང་བོད་རང་སྐྱོང་ལྗོངས་མི་དམངས་སྨན་ཁང༌། ལྷ་ས་གྲོང་ཁྱེར་མི་དམངས་སྨན་ཁང་སོགས་ལ་མྱུར་སྐྱོབ་དང་སྨན་བཅོས་ཀྱི་སྐོར་སྐད་ཆ་འདྲི་སྐབས་གནོད་འཚེ་བྱུང་ཡུལ་ས་གནས་འདམ་གཞུང་རང་གི་སྨན་པས་འདམ་གཞུང་རྫོང་དགེ་དར་ཤང་ནང་གནས་ཚུལ་ཇི་འདྲ་ཡོད་མིན་དང་འཕྲོད་བསྟེན་གྱི་གནས་སྟངས། དེ་བཞིན་ཤི་རྨས་ཀྱི་གནས་སྟངས་སོགས་ཞིབ་ཕྲ་ཞིག་རྩ་བ་ནས་ཤེས་རྟོགས་མེད་པའི་ཐོག་སྨན་ཁང་འདིར་གནོད་འཚེ་ཕོག་ཡུལ་ས་གནས་ནས་ནད་པ་གཅིག་ཀྱང་སླེབས་མེད་པའི་སྐོར་ངོ་སྤྲོད་བྱེད་ཀྱི་འདུག བརྗོད་ཡག་ལ་རྨས་མ་ཚོ་ལྷ་སའི་སྨན་ཁང་ཁག་གཅིག་ནང་དབོར་ཡོད་པ་བརྗོད་ཀྱི་འདུག་པས་ལྷ་ས་གྲོང་ཁྱེར་མི་དམངས་སྨན་ཁང་ལ་རྩད་གཅོད་བྱེད་སྐབས་ས་ཡོམ་སྐོར་གྱི་གནས་ཚུལ་དང་རྨས་མའི་གནས་སྟངས་གསར་འགོད་པར་བརྗོད་ཆོག་གི་མེད་པ་འགྲེལ་བརྗོད་བྱེད་ཀྱི་འདུག ཡང་རང་སྐྱོང་ལྗོངས་མི་དམངས་སྨན་ཁང་ལ་རྩད་གཅོད་བྱེད་སྐབས་ལྷོ་ཁ་ནས་སླེབས་པའི་ནད་པ་རེ་གཉིས་ལས་མེད་པ་བརྗོད་ཀྱི་འདུག དངོས་གནས་བྱས་ན་རང་བྱུང་གི་གནོད་འཚེ་བྱུང་བའི་སྐབས་སྨན་ཁང་འདི་གལ་འགངས་ཆེ་ཤོས་ཀྱི་ས་གནས་ཞིག་དང་མྱུར་སྐྱོབ་ལས་དོན་ནང་ནུས་པ་ཆེན་པོ་ཞིག་བཏོན་དགོས་ཀྱི་ཡོད་པ་རེད། ཡིན་ནའི་བོད་ནང་འདི་འདྲ་ཆགས་དགོས་དོན་གང་ཡིན་ནམ། གཅིག་ནས་རང་བྱུང་གི་གནོད་འཚེར་སྣང་ཆུང་བཏང་བའི་ཉེན་ཁའི་རང་བཞིན་ཞིག་ཡོད་པའི་ཐོག་བོད་ནང་གི་དམ་བསྒྲགས་གནས་སྟངས་འདིའི་འོག་ནས་ཆབ་སྲིད་དང་;བྲེལ་བ་མེད་པའི་གནས་ཚུལ་ཞིག་ཡིན་རུང་འདིའི་ཐོག་གླེང་མོལ་བྱེད་མི་ནུས་པའི་རྣམ་པ་ཞིག་ཡོང་གི་འདུག གང་ལྟར་ད་རེས་ས་ཡོམ་གྱི་གནོད་འཚེ་དང་དུག་རྫས་ཡོད་པའི་འོ་རྩམ་གྱི་དོན་རྐྱེན་འདི་གཉིས་ཀྱི་ཐོག་ནས་བོད་ལ་མཐོང་ཆུང་གི་རྣམ་པ་ཞིག་དང་བོད་ནང་གི་འབྲེལ་ཡོད་དཔོན་རིགས་ཚོའི་ནུས་མེད་ཀྱི་རྣམ་པ་ཞིག་མཐོང་ཐུབ་ཀྱི་འདུག

འབྲེལ་ཡོད་ཀྱི་གནས་ཚུལ་གསན་ན།

དེ་རིང་གི་ཉིན་མོ།

༡༩༤༩ལོའི་ཟླ་༡༠ཚེས་༧ཉིན་ཇར་མ་ནིའི་དམངས་གཙོའི་སྤྱི་མཐུན་རྒྱལ་ཁབ་བཙུགས།
༢༠༠༡ལོའི་ཟླ་༡༠ཚེས་༧ཉིན་ཨ་རིས་དགུ་པའི་བཅུ་གཅིག་གི་དུས་རྐྱེན་བྱུང་བའི་རྗེས་ཐེངས་དང་པོ་ཨབ་གའ་ནི་སི་ཐན་འཇིགས་སྐུལ་དྲག་སྤྱོད་པར་ངོས་འཛིན་ནས་འབར་གཏོར་བྱས་པ་རེད།
(འཇམ་དཔལ་ཕུན་ཚོགས་ལགས་ནས་ཕྱོགས་སྒྲིག་གནང༌།)