Posted on October 6, 2008 by tamleng
༡༩༡༣ལོའི་ཟླ་༡༠ཚེས་༦ཉིན་རྒྱ་ནག་གི་གྲོས་ཚོགས་ནས་ཡོན་ཧྲེ་ཁའེ་རྒྱ་ནག་མི་སེར་རྒྱལ་ཁབ་(ཀྲུང་ཧྭ་མིང་གོ་)ཀྱི་སྲིད་འཛིན་དང་པོར་བདམས་པ་རེད།
༡༩༦༣ལོའི་ཟླ་༡༠ཚེས་༦ཉིན་ཡུལ་གྲུ་ཧའེ་ཏི་ལའ་རྒྱ་མཚོའི་རླུང་འཚུབ་ཀྱི་གནོད་འཚེས་མི་བཞི་སྟོང་ལྷག་གི་ཚེ་སྲོག་ཤོར་བ་རེད།
༡༩༧༣ལོའི་ཟླ་༡༠ཚེས་༦ཉིན་ཨེ་ཇིབ་དང་སི་རི་ཡས་གློ་བུར་དུ་དབྱི་སི་རལ་ལ་འཇབ་རྒོལ་བྱས་པའི་རྐྱེན་ལས་དཀྱིལ་ཤར་གྱི་དམག་འཁྲུག་ཐེངས་བཞི་པ་འདི་ལངས་པ་རེད། (འཇམ་དཔལ་ཕུལ་ཚོགས་ལགས་ཀྱིས་ཕྱོགས་སྒྲིག་གནང༌།)
༢༠༠༨ལོའི་ཟླ་༡༠ཚེས་༦ཉིན་བོད་ཀྱི་འདམ་གཞུང་ས་ཁུལ་ལ་ས་ཡོམ་འགུལ་ཚད་6.6བྱས་པ་ཞིག་རྒྱབ་པའི་ཁྲོད་ནས་རྒྱལ་ས་ལྷ་ས་དང་ལྷོ་ཁ། གཞིས་རྩེ་སོགས་ས་གནས་ཁག་གཅིག་ལ་ཡང་རིམ་པ་མི་འདྲ་བའི་གཡོ་འགུལ་བྱུང་ནས་གནོད་འཚེ་བྱུང་ཡོད་པའི་ཐོག་འདམ་གཞུང་ལ་མི་སུམ་བཅུ་ལྷག་ཙམ་འདས་གྲོང་ལ་སོང་ཡོད་པ་རེད།
Filed under: Uncategorized | Leave a Comment »
Posted on October 6, 2008 by tamleng
ཚེས་༦ཉིན་རྒྱབ་ཆུ་ཚོད་བཞི་དང་ཕྱེད་ཀ་ཙམ་གྱི་ཐོག་བོད་ཀྱི་རྒྱལ་ས་ལྷ་ས་དང་དེ་བཞིན་འདམ་གཞུང་ལ་ས་ཡོམ་ཆེམ་པོ་ཞིག་རྒྱབ་ཡོད་པ་རེད་འདུག འདམ་གཞུང་ཁུལ་དུ་འགུལ་ཚད་6.6བྱས་པ་ཞིག་རྒྱབ་ཡོད་པ་དང་ལྷ་ས་ཡང་འགུལ་ཤུགས་ཆེན་པོ་བྱུང་བཞག འདམ་གཞུང་ལ་ད་རེས་ཀྱི་ས་ཡོམ་འདིའི་ཁྲོད་ནས་ཁྱོན་མི་གྲངས་སུམ་བཅུ་ལྷག་ཙམ་འདས་གྲོང་ལ་སོང་ཡོད་པ་རེད་འདུག་ལ། མི་མང་པོར་རྨས་སྐྱོན་སོགས་གནོད་འཚེ་ཧ་ཅང་ཆེན་པོ་བཟོས་བཞག ཡིན་ནའི་གཞུང་ཕྱོགས་ཀྱི་བརྙན་འཕྲིན་CCTVནང་ནས་འདི་ལྟ་བུའི་རང་བྱུང་གནོད་འཚེ་ཆེན་པོ་ཕོག་པའི་གནས་ཚུལ་སྐར་ཆ་ཁ་ཤས་ལས་ཞིབ་ཕྲའི་གནས་ཚུལ་གང་ཡང་སྤེལ་མེད་པ་རེད་འདུག ཡིན་ནའི་དྲ་རྒྱའི་ཐོག་གནས་ཚུལ་འཚོལ་ཞིབ་བྱས་པའི་རྒྱུད་རིམ་ནང་གཞུང་ཕྱོགས་ཀྱི་ཤིན་ཧྭ་གསར་འགྱུར་ཁང་ནས་ས་ཡོམ་གྱི་གནས་ཚུལ་ཁག་གཅིག་སྤེལ་ཡོད་པའི་ནང་ཕོ་བྲང་པོ་ཏ་ལ་དང་ལྷ་ལྡན་གཙུག་ལག་ཁང་གཉིས་ལ་གནོད་སྐྱོན་ཕོག་མེད་པ་བརྗོད་བཞག ཡིན་ནའི་འདམ་གཞུང་ལ་ཁང་པ་མང་པོ་ལོག་ཡོད་པ་ཕུད། ལྷ་སའི་ནང་གི་ཁང་པོ་མང་པོ་ཞིག་ལ་སེར་ཁ་གས་ཡོད་པ་དང། དེ་མིན་ལྷོ་ཁ་དང་གཞིས་རྩེ་སོགས་ས་ཁུལ་ལ་ཡང་གཡོ་འགུལ་ཆུང་ངུ་བྱུང་ཡོད་པ་རེད་འདུག
འདིར་འདམ་གཞུང་གི་འདྲ་པར་རེ་གཉིས་ཡོད་པ་འདི་ཤིན་ཧྭ་གསར་འགྱུར་ཁང་གི་རེད།
Filed under: Uncategorized | Leave a Comment »
