འདི་ལོའི་རྒྱ་ནག་གི་རྒྱལ་བཙུགས་དུས་ཆེན་གྱི་གུང་གསེང་འདི་མཇུག་སྒྲིལ་ཡོད་པ་རེད། ད་ལོའི་གུང་གསེང་འདིར་བོད་ནས་རྒྱ་ནག་ལ་ཡོང་མཁན་དུས་རྒྱུན་དང་མི་འདྲ་བར་བོད་པ་མང་བ་ཡོད་པ་རེད་འདུག གང་ཡིན་ཞུས་ན་འདི་ལོ་ཟླ་བ་གསུམ་པ་ནས་བོད་ནང་དམག་མིས་ཁེངས་ནས་བོད་མི་ཚོར་དཀའ་ངལ་ཆེན་པོ་འཕྲད་ཡོད་པ་དང་། དུས་ད་ལྟ་ཡང་ད་དུང་ཁྲོམ་གཞུང་ཐོག་གང་སར་དམག་མིས་ལག་ཏུ་མེ་མདའ་འཁྱེར་ནས་གྲོང་ཁྱེར་ཡོངས་རྫོགས་དམག་ས་ལྟ་བུ་ཞིག་ཏུ་གྱུར་ཡོད་པ་རེད། དཔལ་འབྱོར་ཡོད་པ་ཚོ་ཉིན་ཤས་རིང་རྒྱ་ནག་ནང་ཡོད་པའི་རང་དབང་གི་རླུང་པོ་ཕྲན་བུ་འདི་ལོངས་སྤྱོད་བྱེད་པར་སྐྱོད་ཡོད། ཡིན་ནའི་བོད་མི་མང་ཆེ་བ་བོད་ནང་མུ་མཐུད་སེམས་སྦུག་དོག་པོའི་ངང་འཚོ་གནས་བྱེད་དགོས་ཀྱི་ཡོད། དངོས་གནས་བཙོན་རྭ་ལྟ་བུའི་ཡུལ་གྲུ་འདིར་རང་དབང་གི་ཉི་མ་ག་དུས་ཤར་ཡོང་ངམ།
Filed under: Uncategorized
