༄༅༎ཉིན་ལྟར་ངས་དུས་ཚོད་མང་པོ་ཞིག་གནས་འཕྲིན་དྲ་རྒྱའི་ཐོག་བཏང་གི་ཡོད་ལ།འདིའི་ཁྲོད་ནས་ཕན་
ཚུན་འབྲེལ་ལམ་དང་གསར་འགྱུར་ལ་སོགས་རང་ཉིད་ཀྱི་ཤེས་འདོད་ཡོད་པའི་གནས་ཚུལ་མང་པོ་ཞིག་འཚོལ་
ཞིབ་ཀྱིས་རིག་འཛོད་འཕྲུལ་སྤྱད་འདི་བཞིན་ངའི་འཚོ་བའི་ནང་མེད་དུ་མི་རུང་བའི་ཆ་ཤས་ཞིག་ཆགས་བཞག
དེ་དང་དུས་མཚུངས་རང་ཉིད་ཡང་གསར་འགྱུར་གྱི་ལས་རིགས་ཐོག་ཡོད་མཁན་ཞིག་གི་ངོས་ནས་ཉིན་ལྟར་
གནས་ཚུལ་མི་འདྲ་བའི་སྟེང་བགྲོ་གླེང་བྱེད་ཀྱི་ཡོད་པ་དང་མཚམས་རེ་ལེ་ཚན་བཟོས་ཚར་པའི་རྗེས་དེ་རིང་
ལེ་ཚན་ནང་ཕེབས་མཁན་གྱི་སྐུ་མགྲོན་དང་ཞལ་པར་གནང་མཁན་གྱི་མི་སྣ་ཚོས་གསུང་པའི་བཀའ་མོལ་ལ་
བསྐྱར་དུ་བསམ་བློ་ཞིག་བཏང་སྐབས་འདིའི་ཐོག་ནས་རང་ཉིད་ལ་བསམ་ཚུལ་དང་དེ་དང་འབྲེལ་བའི་
གནས་ཚུལ་གསར་པ་ཁག་གཅིག་བསམ་བློའི་ནང་འཆར་གྱི་འདུག་པས་ངོ་སྤྲོད་ཞུ་དོད་ཞིག་ཡོང་གི་འདུག
ཡིན་ནའི་ལེ་ཚན་བཟོས་ཚར་བ་ཡིན་དུས་སྐབས་གཅིག་རིང་གི་བསམ་ཚུལ་དང་ལེ་ཚན་བཟོས་ཚར་
བའི་རྗེས་ཀྱི་རང་ཉིད་གཅིག་པོའི་བློ་ལ་འཆར་བའི་བསམ་བློ་ཙམ་ལས་གཞན་དང་མཉམ་དུ་བསམ་ཚུལ་
བརྗེ་རེས་ཞིག་ཡོང་གི་མིན་འདུག་ལ།ཉིན་རེའི་ལས་ཀའི་བྲེལ་ཚུབ་དང་རང་རང་གི་འཚོ་བས་རྐྱེན་པས་
བསམ་ཚུལ་འདི་རྣམས་ཡང་དུས་གཅིག་ཏུ་ལྦུ་བ་ལྟ་བུ་མེད་པར་འགྱུར་འགྲོ་ཡི་འདུགཉིན་གཅིག་བོད་
ནང་ནས་བཟོས་པའི་བོད་ཡིག་གི་ཟིན་བྲིས་དོ་རྭ་ཁག་གཅིག་ནང་དུས་ཚོད་མང་པོ་བཏང་ནས་
བལྟ་སྐོར་བྱས་པའི་བརྒྱུད་རིམ་ནང་ཁོང་རྣམ་པའི་ཟིན་བྲིས་དོ་རྭའི་སྟེང་རྣམ་པ་འདྲ་མིན་གྱི་ཐོག་ནས་
སེམས་འགུལ་ཐེབས་པའི་གནས་ཚུལ་མང་དག་ཞིག་ཤེས་རྟོགས་དང་སློབ་སྦྱོང་ཡོང་གི་འདུག་པས་
ང་རང་གི་ཟིན་བྲིས་དོ་རྭ་གཅིག་བཟོ་འདོད་ཀྱི་བློ་ཞིག་འཆར་བྱུང༌། འདི་ནི་རང་ཉིད་ཀྱིས་ཟིན་བྲིས་
དོ་རྭ་བཙུགས་པ་ཐོག་མར་ཡིན་པས་ཁྱེད་རྣམ་པའི་ཉམས་མྱོང་ངོ་སྤྲོད་ཡོང་བའི་རེ་བ་དང་ཟིན་བྲིས་དོ་རྭ་
འདིའི་ནང་ཡང་ཡང་ཕེབས་རྒྱུར་དགའ་བསུ་ཞུ་རྒྱུ་ཡིན།།
Filed under: Uncategorized | Leave a Comment »
